ചിറാപുഞ്ചി (Cherrapunji) : മഴയുടെ സ്വന്തം നാട്ടിലേക്കൊരു യാത്ര

Cherrapunji, Meghalaya

ചിറാപുഞ്ചിയിലേക്ക് പോകുമ്പോൾ മനസ്സ് ആ പഴയ ക്ലാസ് മുറിയിലായിരുന്നു... ‘ലോകത്ത് ഏറ്റവും കൂടുതൽ മഴ പെയ്യുന്ന സ്ഥലം ഏത്?’ ചിറാപുഞ്ചി... എന്നു വിളിച്ചു പറഞ്ഞ ക്ലാസ്സിൽ... മഴയുടെ തണുപ്പും പഴക്കവുമുണ്ട് ചിറാപുഞ്ചി എന്ന പേരിന്. ജൂണിൽ മഴയിലൂടെ നനഞ്ഞ് കുഞ്ഞുകുട വരാന്തയിൽ ഒതുക്കിവച്ച് ക്ലാസിലിരിക്കുമ്പോൾ മുതൽ നാമെല്ലാം കേട്ട പേര്.

ലോകത്ത് ഏറ്റവും കൂടുതൽ മഴപെയ്യുന്ന സ്ഥലമേതെന്ന ടീച്ചറുടെ ചോദ്യത്തിന് കണ്ണടച്ച് എഴുതിയ ഉത്തരങ്ങളിലൊന്ന്...

സ്കൂൾകാലം തൊട്ടേ മോഹിപ്പിക്കുന്ന ചിറാപുഞ്ചിയുടെ ആർദ്രതയറിയാനാണ് ഈ യാത്ര. പക്ഷേ, മഴയോളം ഉള്ളിലേക്കെത്തിയ മറ്റുചില കാഴ്ചകളാണ് ചിറാപുഞ്ചി ഒരുക്കിവച്ചിരുന്നത്. ശ്വസിക്കുന്ന, തളിർക്കുന്ന, പൂക്കുന്ന പാല ങ്ങളിൽ നടക്കാം. കുന്നിൻമുകളിലെ സമുദ്രാന്ത ർഗുഹയിലെ അരുവിയിൽ കാൽതൊടാം.

നോർത്ത് ഈസ്റ്റ് സംസ്ഥാനമായ മേഘാലയയുടെ തലസ്ഥാന നഗരമായ ഷില്ലോങ്ങിൽ നിന്നും 55കിലോമീറ്റർ മാത്രം ദൂരം.എന്നിരുന്നാലും 2മണിക്കൂറിനുമേൽ യാത്രയുണ്ട്.ഈസ്റ്റ് ഖാസി എന്ന ജില്ലയിലാണ് ലോക സഞ്ചാര ഭൂപടത്തിൽ നിന്നും ഒരിക്കലും നീക്കം ചെയ്യാൻ സാധിക്കാത്ത ഈ മഹാത്ഭുതം.

ബൈക്ക് ഓടിച്ചതിൽ വച്ചേറ്റവും നല്ലതെന്നു എനിക്ക് തോന്നിയ പാത.Chirappunji എന്നാൽ Land of oranges എന്നർത്ഥം So-Ha-Ra എന്നതായിരുന്നു ചിറാപ്പുഞ്ചിയുടെ ആദ്യ പേര്. എന്നാദ്യം കേൾക്കുന്നത് അവിടെയെത്തിയപ്പോൾ മാത്രമാണ്.

ബ്രിട്ടീഷ് ഭരണാധികൾക്ക് "ചുറ" എന്നാണ് ഉച്ചരിക്കാൻ സാധിച്ചിരുന്നത്. എന്നാൽ മേഘാലയ സർക്കാർ വീണ്ടും ഇത് സൊഹ്‌റാ എന്ന് തന്നെ ആക്കി. ലോകത്തിലെ ഏറ്റവും മഴ ലഭിക്കുന്നതും ഈർപ്പമുള്ളതും എന്ന ബഹുമതി ഇന്നും ഇവിടുത്തെ മൗസെർണ്ണം എന്ന സ്ഥലത്തിന് സ്വന്തം. 1861 മുതൽ ഉള്ളതായ കണക്കുകളിൽ അവശ്വസിനീയമായ അളവിൽ മഴ രേഖപ്പെടുത്തിയിരിക്കുന്നു.

ഇവിടുത്തെ കാലാവസ്ഥയും സംസ്കാരവും ഭക്ഷണ രീതികളുമൊക്കെ മുൻപ് ഞാനെഴുതിയ പോസ്റ്റുകളിൽ നിന്നും നിങ്ങൾ മനസ്സിലാക്കിയിരിക്കുമല്ലോ. സമുദ്ര നിരപ്പിൽ നിന്നും 4869 അടി ഉയരമുണ്ടെന്നാണ് കണക്കുകൾ സൂചിപ്പിക്കുന്നത്. സെവൻ സിസ്റ്റേഴ്സ് എന്നറിയപ്പെടുന്ന വെള്ളച്ചാട്ട ദൃശ്യം ഏതൊരു പ്രകൃതി സ്നേഹിയെയും ഇവിടെ നിന്നും പൂർണ്ണമനസ്സോടെ തിരിച്ചു പോകാൻ തോന്നിക്കില്ല.

മഴക്കാലത്ത് ഓഗസ്റ്, സെപ്റ്റംബർ, ഒക്ടോബർ സമയമാണ് സന്ദർശനത്തിന് ഏറ്റവും അനുയോജ്യം. ലോക്കൽ ടാക്സികൾ ഷില്ലോങ്ങിൽ നിന്നും ഏതൊരു സമയത്തും ഇവിടേയ്ക്ക് ലഭ്യമാണ്. ഒറ്റയ്ക്ക് ഇത്രയും ദൂരം ഞാൻ ബൈക്ക് ഓടിച്ചെത്തിയത് ഇവിടുള്ളവരിൽ വളരെയധികം ആശ്ചര്യയം ജനിപ്പിച്ചു.

അതിവുടുത്തെ ഒരു പ്രാദേശിക ദൃശ്യ മാധ്യമം വർത്തയാക്കിയിരുന്നു. ഈ വാർത്ത കണ്ടതിനു ശേഷം ഇവിടുത്തെ റൈഡ് ഗ്രൂപ്പ് ആയ NE bikers എന്നെ അന്യോഷിച്ചെത്തുകയും തുടർന്നുള്ള 3 ദിനരാത്രങ്ങൾ ആ 32 പേരോടപ്പം ചേരാനും എനിക്ക് സാധിച്ചു.

സ്നേഹനിധികളായ അവരെന്നെ എല്ലാ സ്ഥലങ്ങളിൽ കൊണ്ടുപോകുകയും താമസവും ഭക്ഷണവും സൗജന്യമായി ഒരുക്കുകയും ചെയ്തു. വളരെയധികം മനോഹരങ്ങളായ മലനിരകളും നീർച്ചാലുകളും പച്ചപ്പും ഈ നാടിന് "കിഴക്കിന്റെ സ്കോട്ലൻഡ്" എന്ന വിശേഷണം ഒരു ധാരാളിത്തമോ വിവരക്കേടോ അല്ല എന്നത് ഇവിടം ഒരിക്കൽ സന്ദർശിച്ചാൽ മനസ്സിലാകും.

ആസ്സാം തലസ്ഥാനമായ ഗുവാഹത്തിയിൽ നിന്നും 100 കിലോമീറ്റെർ അല്ലെങ്കിൽ 3 മണിക്കൂറാണ് ഷില്ലോങ്ങിലേക്കുള്ള ദൂരം.ഷെറിങ് ടാക്സിക്ക് 300 രൂപയും ബുക്കിംഗ് ടാക്സിക്ക് 1200 രൂപയും.ഷില്ലോങിലെത്തിയാൽ പിന്നെ ബാക്കി എന്ത് വേണമെന്ന് എന്റെ പോസ്റ്റുകൾ വായിക്കുന്ന സുഹൃത്തുക്കൾക്ക് നന്നായി അറിയാമല്ലോ. 5 ദിവസത്തെ ഊരു ചുറ്റലിനു ശേഷം മനസ്സില്ലായിരുന്നെങ്കിലും എനിക്കവിടുത്തുകാരോടും ആ നാടിനോടും യാത്ര പറയേണ്ടി വന്നു.

Credits: Vinu Balasubramaniam

https://www.facebook.com/pg/love.to.traavel/photos/?tab=album&album_id=1369245689816628