കാഴ്ച്ചയുടെ പൊൻവസന്തം ഒരുക്കി കൊളുക്കുമല (Kolukkumala)

Kolukkumala, Idukki

യാത്രക്കുറിപ്പ്‌ വളരെ വളരെ ചുരുക്കി ചുവടെ ചേർക്കുന്നു.... താല്പര്യമില്ലാത്തവരോട് ഒരു കാര്യം പറയാം.. "കൊളുക്കുമല HEAVY ആണ്" Just Go.. ഒട്ടും പ്രതിക്ഷിക്കാത്ത യാത്രയായിരുന്നു അന്നതേത്.

ലക്ഷ്യം നിശ്ചയിക്കാത യാത്ര. യാത്രകിടെയാണ് അനീഷേട്ടൻ മൂന്നാർക്കു വിട്ടാലോ എന്ന് പറയുന്നത്. എനിക്ക് പ്രത്യേകിച്ച് അഭിപ്രായം ഇല്ലായിരുന്നു.അങ്ങനെ യാത്ര മൂന്നാർക്കായി. അന്ന് ചൂട് തുടങ്ങുന്നെയുള്ളു. നാട്ടിലെ ചൂടിൽ നിന്നൊരു ഒളിച്ചോട്ടം കൂടിയായിരുന്നു ആ യാത്ര........

ഏതാണ്ട് വൈകീട്ട് 7കഴിഞ്ഞിരുന്നു മൂന്നാരെതിയപ്പോ.. വഴിയിൽ പെയ്ത അപ്രതീക്ഷിത മഴയും ഞങ്ങളെ തളർത്തിയിരുന്നു .നനഞ്ഞു കുതിർന്ന അനീഷേട്ടന്റെ ഷൂ ബൈക്കിന്റെ പുറകിൽ കെട്ടിതൂക്കിയിട്ടു ഉണക്കാനുള്ള ഒരു പാഴായശ്രമം ഞങ്ങൾ നടത്തുകയുണ്ടായി..

മൂന്നാർ എത്തിയിരിക്കുന്നു, ഇനിയെന്ത് എന്ന ചോദ്യചിന്ഹവുമായ ി അലയുംബോഴാണ് മൂന്നാറിലെ നേർത്ത കുളിർമ ഊളിയിട്ട ചിന്തകളിൽ 'ചാർലി' കടന്നുവരുന്നത്. മീശപുലി മലയിലെ മഞ്ഞുവീഴ്ച കണ്ടില്ലെങ്കിൽ പിന്നെന്ത് ജീവിതം. അങ്ങനെ മീശപുലിമലയെ കുറിച്ചായി അനേഷണം. ആര്ക്കും അത്ര പിടിയില്ല, ചിലർ കേട്ടിട്ടുപോലുമില്ല.

അങ്ങനെ ഒരു ഡ്രൈവറെ കണ്ടുമുട്ടി. മലയാളം കലർന്ന തമിഴിൽ അദേഹം കാര്യങ്ങൾ വിശദീകരിച്ചു. അയാളിൽ നിന്നാണ് ആദ്യമായി കൊളുക്കുമലയെ കുറിച്ചറിയുന്നത്. വല്യ താല്പര്യമൊന്നും ആദ്യം തോന്നിയില്ലെങ്കിലും ഇവിടെ വരെ വന്ന സ്ഥിതിക്ക് അവിടം വരെ പോകാമെന്ന് കരുതി. കൂടാതെ മീശപുലിമലക്കുള്ള യാത്ര ചിലവുകൾ കണക്കാക്കിയപ്പോ അടുത്ത വട്ടം ആകട്ടെന്നു കരുതി സമാധാനിച്ചു....

മൂന്നാർ സെന്ററിൽ തന്നെയായിരുന്നു ഞങളുടെ റൂം.. അനീഷേട്ടൻ വിലപേശി 700 രൂപയ്ക്ക് റൂം ഉറപ്പിച്ചു. അത്യാവശ്യം നല്ല സൗകര്യങ്ങളുള്ള മുറി. മുറിയിൽ കേറിയപാടെ ജീപ്പ് ഡ്രൈവർ തന്ന നമ്പറിലേക്ക് വിളിക്കുകയും കാര്യങ്ങൾ മനസിലാക്കുകയും ചെയ്തു. അയാളും ജീപ്പ് ഡ്രൈവറായിരുന്നു .

സുര്യോദയം കാണാൻ പിറ്റേന്ന് വെളുപ്പിന് CLUB MAHINDRA യുടെ മുന്നിൽ വരാൻ ആവശ്യപെട്ടു. അവിടുന്ന് അദേഹത്തിന്റെ ജീപ്പിലാണ് യാത്ര. പിറ്റേന്ന് വെളുപ്പിന് 3.33 നു അലറാം വെച്ചു ഉറങ്ങാൻ കിടന്നു.. മൂന്നാറിൽ നിന്ന് Club mahindra വരെ 20 km ഉണ്ട്. മീശപുലിമലയുടെ കീഴെയാണ് കൊളുക്കുമല.

ഏകദേശം 4. 45നു പറഞ്ഞ സ്ഥലത്തെത്തി. ഡ്രൈവർ ഗിരീഷേട്ടൻ തയ്യാറായിരുന്നു. അവിടം മുതൽ മല വരെ 1200 രൂപയാണ് ചാർജ്. ജീപ്പ് യാത്ര ആരംഭിച്ചു. നന്നായി സംസാരിക്കുന്ന ആൾ ആണ് ഗിരീഷേട്ടൻ. മൂന്നാറിന്റെയും കൊളുക്കുമലയുടെയ ും ചരിത്രം തമിഴ് കലർന്ന മലയാളത്തിൽ അദേഹം ഞങ്ങൾക്ക് പറഞ്ഞു തന്നു.

Harrison സായിപ്പിന്റെ തേയില തോട്ടത്തിലൂടെയാണ് അങ്ങോട്ടുള്ള യാത്ര. ഇനിയും 20 km ഉണ്ട്. തേയില തോട്ടത്തിലൂടെയുള്ള യാത്ര വളരെ രസകരമായിരുന്നു. 1912ഇൽ നട്ട തേയില മുതൽ 3 കൊല്ലം മുൻപ് നട്ട ചെടികൾ വരെ ആ തോട്ടത്തിൽ കാണാൻ കഴിഞ്ഞു. ഒരു തേയില ചെടിയുടെ ആയുസ്സ് ഏകദേശം 250 കൊല്ലമാണ്.

നാടിൻറെ ചരിത്രം രാഷ്ട്രീയം സംസ്കാരം ഇതിനൊക്കെ കുറിച്ച് ഗിരീഷേട്ടൻ സംസാരിക്കുന്നുണ്ടായിരുന്നു. അടിവാരം എത്തി. ഇനിയുള്ള യാത്ര വളരെ ക്ലെശകരമാണ്. കട്ടകല്ലുകൾ കൂടികിടക്കുന്ന റോഡിലൂടെ വേണം യാത്ര ചെയ്യാൻ. ഏകദേശം ഒന്നരമണികൂർ യാത്രയുണ്ട്. ജീപ്പ് ഈ മല കേറുമോ എന്നൊരു സംശയം എനിക്കുണ്ടായിരുന്നു.

4 വീൽ ഡ്രൈവ് ജീപ്പിന്റെ യഥാർത്ഥ പവർ അന്നാണ് ഞാൻ അറിഞ്ഞത്. കുലുങ്ങി കുലുങ്ങിയുള്ള യാത്ര. വളവുകൾ വരുമ്പോൾ ഗിരീഷേട്ടൻ ഡ്രൈവിങ്ങിൽ മായാജാലം കാട്ടി. ഓരോ വളവും ഓരോ വലിയ കേറ്റങ്ങൾ ആണല്ലോ. അവിടെ ഇടയ്ക്കു നിറുത്തി റിവേർസ് എടുത്തു വീണ്ടും കയറ്റിയലെ മുകളിലേക്ക് കയറു.

അങ്ങനെ ചുറ്റി ചുറ്റി ഒരു വിധം മല മുകളിൽ എത്തി. 6 മണിയാവുന്നെയുള്ളൂ. ഉദയം കാണാൻ കുറച്ച്പേർ എത്തിയിട്ടുണ്ട്. കൊളുക്കുമല ഏകദേശം 7350 അടി ഉയരത്തിൽ ആണ്.ചാർലിയിലെ ഒരൊറ്റ ഡയലോഗിൽ അടിവാരത്തെ റൂം റെന്റ് 2000-3000 രൂപ വരെ വർധിച്ചു. ചെറിയ പ്രകാശം പരന്നു തുടങ്ങിയിരിക്കുന്നു. പിന്നെ ഞങൾ കണ്ട കാഴ്ച എന്നെ സംബന്ധിച്ച് അത്ഭുതം ഉളവാക്കുന്നതായിരുന്നു..

മുകളിലെ ഫോട്ടോയിൽ നോക്കിയാൽ ഭാഗികമായി മനസിലാക്കാൻ സാധിക്കും. വിവരിക്കാൻ കഴിയാത്ത അനുഭവങ്ങൾ ഉണ്ടാവുബോഴാണ് യാത്രക്ക് അതിന്റെ പൂർണ്ണത കൈവരുന്നതു..ഈ യാത്രയിൽ ഞങ്ങൾക്ക് ഒരുപാട് അനുഭവങ്ങൾ ലഭിച്ചു.... ഉറപ്പായും പോകാൻ ശ്രമിക്കുക...

Credits: Vishnu Prasad

https://www.facebook.com/pg/love.to.traavel/photos/?tab=album&album_id=1352155471525650